14.6.10

Falta de público e de dinheiro público deixa sem touradas Sárria e Negreira



A pressom dalguns vereadores da Cámara de Sárria para nom dar dinheiro da vizinhança a um empresário espanhol que todos os anos se lucrava fraudulentamente com este "negócio" deu o seu fruto.
Até agora subsidiadas polas instituiçons, as touradas deixarám de ter presença nestes concelhos galegos onde ninguém gosta desta prática alheia à cultura galega. Assim, este ano, o governo municipal de Sárria non dará dinheiro público para esta exibiçom de tortura animal para as festas de Sam Joám pois a sua organizaçom nunca foi rendível durante.
Neste senso, repite-se a situaçom de há dous anos, quando o município nom celebrou nengunha tourada por falta de dinheiro. Em 2009 o apoio económico de umha minoria de empresarios da vila fijo possível a tourada, que mais umha vez nom tivo êxito nem, claro está, lucro. As perdas e a falta de público evitárom que este ano se repetisse este acto cruento.

Aliás, a Comissom de Festas de Negreira anunciou que por petiçom vicinal nom haverá "novillada" na vila este ano, e posivelmente nom haja mais "festejos" taurinos nesta povoaçom.
Em 2008 o colectivo Galiza melhor sem Touradas impulsou protestos contra a Cámara municipal, e em 2009, com 25% de assistência, e com boa parte do público com bilhetes gratuitos, o próprio empresário taurino descartou a ideia de organizar mais eventos.
Ao igual que nos resto do território galego, onde nom existe nem tradiçom nem afeiçom, as touradas sempre dam perdas, os bilhetes som repartidos de graça entre a vizinhança, e esta paga por impositivo legal o evento, graças ao qual se lucra um empresário espanhol.
Especialmente patéticos som os casos da Corunha e Ponte Vedra onde os governos de co-ligaçom BNG-PSOE continuam, mesmo em tempos de crise, a fomentar estas práticas ánti-económicas, antigalegas e ánti-ecologicas.

Fonte: http://www.diarioliberdade.com/index.php?option=com_content&view=article&id=3732:falta-de-publico-e-de-dinheiro-publico-deixa-sem-touradas-sarria-e-negreira&catid=226:direitos-nacionais-e-imperialismo&Itemid=155

Sem comentários:

Enviar um comentário

Nota: só um membro deste blogue pode publicar um comentário.